Todos os grupos parlamentarios, salvo o PSOE, piden a modificación do real decreto que lles permitiría aos concellos usar 5.000 millóns dos seus aforros a través de préstamos. Na comisión de Facenda que se celebrou esta tarde, María Jesús Montero non conseguiu convencer as formacións políticas. Para evitaren a derrogación da norma, a ministra propuxo que se tramite como proxecto de lei. Deste xeito, pretende que se poidan introducir cambios na fórmula para conseguir eses fondos e, ao mesmo tempo, aprobaren outros aspectos do decreto que considera cruciais para os municipios con menos recursos.