O Consello de Seguridade das Nacións Unidas pediulles contención e diálogo aos Estados Unidos e Irán, que seguen responsabilizándose mutuamente do aumento da tensión no golfo Pérsico.

Paralelamente, os embaixadores permanentes de ambos os dous países esforzábanse en convencer o resto de membros da ONU de que a outra parte tiña a culpa.

O chamamento do Consello de Seguridade prodúcese despois de que o presidente Trump anunciara duras sancións económicas ao líder supremo de Irán, Ali Jamenei, ao tempo que deixaba a porta aberta ao diálogo.