A Organización Mundial de Saúde anunciou nas últimas horas a súa primeira autorización para o uso de emerxencia dunha vacina contra a covid, en concreto a das farmacéuticas Pfizer e BioNTech. A luz verde á vacina, que xa obtivera este tipo de validación en mercados coma Estados Unidos, Reino Unido ou a Unión Europea, serve para países que non teñen entidades de homologación deste tipo de produtos. Así que a autorización da OMS abre a porta ao uso da vacina especialmente en países en desenvolvemento.