82.596 son os casos de sarampelo que se rexistraron o ano pasado en Europa. Morreron 72 persoas en todo o continente e 225 deses casos rexistráronse en España. A OMS alerta de que a incidencia desta enfermidade triplicouse en tan só un ano. Son as cifras máis altas na última década. Porén, a mesma organización informa de que nunca tantos nenos estiveron vacinados contra o sarampelo en toda Europa.

Para analizar estes datos, e o que está detrás deles, temos con nós a África González, catedrática de Inmunoloxía da Universidade de Vigo e presidenta da Sociedade Española de Inmunoloxía.