A Ruta da Ría de Muros-Noia nace literalmente no océano. E na elección do peregrino queda abrazalo ou cruzalo. Para os máis tradicionais, poden facelo acariñando o mar pois na metade do seu percorrido, este é o protagonista. Pero tamén se pode facer en veleiro.

Por vía marítima son 80 ou 90 millas e facer os últimos dez quilómetros a pé, tamén lle dan a Compostelá, explica o Tenente alcalde do Concello de Rois.

Sexa como sexa, a Ruta Ría de Muros-Noia, que tamén se pode comezar en Porto do Son, agocha grandes segredos no seu traxecto entre mar e bosque, e cada vez son máis os peregrinos que deciden facelo.

Francisco Calo Presidente da Asociación Amigos do Camiño Ría Muros-Noia, engade que discorre nos primeiros quilómetros ao longo da costa, dende o perfil de mar aberto ata adentrándose no interoir dunha ría, e a partir de aí desenvólvese por monte e polos demais concellos que hai entre a costa e Santiago de Compostela.

Hai xente que vén de Vigo, de Ferrol... E hai xente de fóra de Galicia: de Sevilla, Madrid, Asturias. explica Uxía, dependenta dunha tenda situada no camiño ao seu paso por Urdilde.

A ruta discorre por 9 concellos para chegar ata aquí coa prezada Compostelá, e coa imaxe de grandes paisaxes percorridas gravadas na retina.