A moción de censura que Cs e PSOE presentaron na Rexión de Murcia a semana pasada debaterase na Asemblea rexional este mércores e xoves, segundo ordenou esta mañá a Xunta de Portavoces da Cámara.

23 deputados de Cs e PSOE, que suman maioría absoluta no Parlamento murciano, asinaron a semana pasada a moción de censura contra o Goberno rexional, e Podemos, que dispón de dous parlamentarios, anunciou o seu apoio á iniciativa.

Con todo, o pasado venres coñecéuse o acordo entre o PP e tres deputados de Ciudadanos para que estos rexeitasen a moción que presentou o seu partido. Pouco despois, dous deles integráronse no Executivo autonómico. A terceira deputada, Isabel Franco, xa estaba no Goberno como vicepresidenta.

Actualmente, a moción está apoiada polos 17 diputados do PSOE, 3 de Ciudadanos e os 2 de Podemos, polo que necesita o apoio doutro parlamentario para que salga adiante.Tres dos catro deputados de Vox foron expulsados do partido hai tempo e anunciaron o pasado venres que Ciudadanos contactou con eles para negociar o seu voto a favor.