Creouse unha polémica esta tarde no Parlamento. A Mesa aprobou unhas normas de uso e de decoro dentro da cámara que provocaron a crítica da oposición. O documento foi aprobado só cos voto do Grupo Popular.

O presidente, Miguel Ángel Santalices, asegura que só se poñen por escrito cousas que xa se viñan facendo por costume e por lóxica. A oposición cre que se trata dunha "volta de porca" e dunha limitación democrática.

As normas prevén que haxa que pedir autorización para usar determinadas salas. Ademais, prohíbense pancartas ou camisolas con lemas que ofendan partidos ou persoas.