En Galicia coñeceremos os investimentos específicos para paliar os danos da pandemia esta mesma semana, cando se aproben en Consello da Xunta. Recolleranse nos presupostos galegos, que se van debater o luns no Parlamento.

As contas recollen a conxelación do salario dos membros da Xunta, incluído o presidente. E hoxe soubemos que todos os deputados tamén terán conxelado o seu soldo.

A Mesa do Parlamento aprobou esta mañá esa medida: conxelar o soldo dos deputados para o próximo ano. Vaillo comunicar á Xunta para que o inclúa nos Orzamentos de Galicia.

A conxelación afecta só os deputados, non o persoal do Parlamento, que como empregados públicos recibirán o incremento no salario do 0,9% aprobado polo Goberno central.

Hai que dicir tamén que esa decisión da Mesa se adoptou por unanimidade dos tres grupos e sen que sequera fose necesario debatela.