Arrancamos o ano e o recibo da luz disparábase. En xaneiro, a electricidade foi un 25 % máis cara que no mesmo mes do ano anterior.

Daquela, a explicación tiña nome propio: Filomena. O frío fixo subir a demanda, ao tempo que paraba as renovables. Pero chegamos á primavera, e a factura volve subir. O recibo será un 26 % máis caro ca o ano pasado, quedando nuns 70 euros de media por fogar.

E cal é agora a explicación? Por un lado, o prezo dos dereitos de emisión de CO2 está polas nubes. As eléctricas pagan máis por contaminar e repercúteno no noso recibo. Pero hai outra explicación, en Francia. E culpa o deseño do mercado eléctrico español, en mans de moi poucas empresas.