A atleta luguesa Adiaratou Iglesias conquistou este martes a medalla de ouro nos 100 metros da clase T13 (discapacidade visual) dos Xogos Paralímpicos de Tokyo, dándolle a España o seu vixésimo sexto metal, o noveno dourado.

A velocista galega, debutante nuns Xogos, demostrou a súa condición de favorita e levou a vitoria cun tempo de 11.96, só tres centésimas mellor que a acerbaixana Lamiya Valiyeva.