Esta edición dos premios María Casares, que marca as súas vodas de prata, supuxo o regreso á presencialidade tras o episodio virtual de 2020.

A Lingua das Bolboretas, de Sarabela Teatro, foi a gran triunfadora, con catro premios, entre eles o de mellor espectáculo. Esta edición dos Premios María Casares foi a do reencontro do sector teatral consigo mesmo e por suposto co público. Os nenos da varíola gañaba o premio a mellor espectáculo infantil.

En total, nove espectáculos gañaron algún premio. A  Lingua das bolboretas alcanzou catro: espectáculo, dirección, actor secundario e adaptación-tradución. Bailar agora conseguiu tres: actriz protagonista, dirección e iluminación, e Microespectativas dun  marica millennial fíxose con dous premios: protagonista e texto orixinal. 

O de actriz protagonista foi para Marta Alonso Tejada (Bailar agora). Mentres, Belén Constenla, polo seu papel en O mozo dá última fila, logrou o de mellor actriz secundaria. David González levou o galardón a mellor actor protagonista (Microespectativas dun marica millennial).  Pola súa banda, Fran  Lareu, por A lingua das bolboretas, de Sarabela Teatro, fíxose co de mellor secundario.

Cunha capacidade do 50 % e medidas de seguridade, a celebración quixo escenificar a propia resistencia das artes escénicas galegas tan golpeadas pola pandemia.