Este treito da Nacional 525 era, sen dúbida, onde máis accidentes se producían na provincia de Ourense. Entre 2010 e 2015 rexistráronse 7 falecidos, 17 feridos graves e 28 leves. Un punto negro ano tras ano.

A tipoloxía dos sinistros máis graves aquí era a mesma, invasión do carril contrario por un exceso de velocidade. En decembro de 2015 instalouse un radar de tramo, o que permitiu reducir notablemente a sinistralidade.

Hoxe en día non hai ningún punto negro na provincia de Ourense.

Este radar de treito foi o primeiro instalado nunha estrada convencional de Galicia e o segundo de toda España.