Coas novas restricións, locais de concellos que se mantiñan ata hoxe en nivel básico e que podían abrir ata as 11 da noite, terán que pechar ás 6 da tarde.

"Afecta bastamte porque sería perder a metade de facturación do día", din os hostaleiros.

Dodro ou Padrón, por exemplo, pasan do nivel básico ao nivel medio-alto e poderán manter o 30 por cento da ocupación no interior e o 50 na terraza.

"Eu teño un local grande e o 50 por cento aínda me dá para algo, pero se me restrinxen só a terraza, non me vale para manter aberto", asegura o propietario dun destes locais.

Din que se xa era difícil sobrevivir pechando ás 11 da noite, co novo horario non lles dará máis que para cubrir custos. Malia todo, e xa resignados, prefiren poder estar abertos a aínda que soamente sexa ata as 6 da tarde.

"Se estamos como agora e ata as 6 da tarde creo que podería sobrevivr".

Agardan que polo menos o seu sacrificio sirva para acabar co aumento dos contaxios.