A Garda Civil prendeu un veciño do Corgo por conducir sen carné cando acudía a un xuízo en Lugo polo mesmo motivo.  É dicir, por guiar un coche sen permiso de condución.

Os feitos producíronse cando o detido, de 19 anos, circulaba pola autovía A-6 en dirección aos xulgados lucenses. Os axentes de Tráfico, coñecedores da súa situación, déronlle o alto, pero o condutor non se detivo. Finalmente, foi arrestado tras estacionar no aparcadoiro do HULA.