A Garda Civil interceptou en augas internacionais, a unhas 88 millas ao oeste da illa da Palma, un veleiro cargado cunha tonelada de cocaína e procedeu á detención dos tres tripulantes de nacionalidade croata, todos eles con antecedentes vinculados ao tráfico de drogas e de armas.

A investigación iniciouse no mes de febreiro e centrouse nunha "novidosa ruta africana" cada vez máis consolidada en España con membros de bandas criminais de Europa do leste. Os axentes localizaron dentro do "Majic" 980 paquetes de cocaína.