Novidades no caso da gravación de mulleres ouriñando na rúa nas festas da Maruxaina de 2019 e a difusión das imaxes en Internet. A Fiscalía provincial de Lugo recorre contra o auto do xulgado de Viveiro que ditaba o sobresemento provisional da causa. O Ministerio Público apela porque considera que si existe o delito contra a intimidade. Di a Fiscalía que a "intimidade persoal non é un dereito que se exerza exclusivamente en ámbitos privados" e incide na intencionalidade da colocación das cámaras para gravar as mulleres.