A Comisión de Asuntos Xurídicos debaterá o vindeiro luns 22 o informe que acaba de rematar un eurodeputado conservador búlgaro. E o seguinte día, o martes, votarase.

Nese informe recoméndase retirar a inmunidade parlamentaria de Puigdemont, Comín e Ponsatí, para continuar o proceso do suplicatorio solicitado pola Xustiza española. No documento recóllese que son xulgados por feitos anteriores á súa condición de eurodeputados e non vencellados co seu labor na Eurocámara.

A votación definitiva sobre o levantamento da inmunidade será no pleno a comezos de marzo. Se o resultado é favorable, reactivaríase o proceso de extradición na Xustiza belga contra Puigdemont e os dous exconselleiros.