O Índice de Prezos de Consumo subiu un 0,5% en agosto en relación ao mes anterior e sitúa a súa taxa interanual no 3,3%, catro décimas por encima do mes anterior e a súa taxa máis elevada desde outubre de 2012. Son os datos que publicou este martes polo Instituto Nacional de Estatística.

Á evolución dos prezos en agosto contribuíu o encarecemento da electricidade, así como das froitas, automóbiles e dos carburantes para o transporte persoal. O INE detalla tamén que detrás deste incremento dos prezos estivo a alza do grupo vivenda, un 11,5 % en taxa anual, onde se engloba a electricidade. Con esta taxa de agosto, a inflación encadea o oitavo mes consecutivo á alza.