A Axencia Europea do Medicamento comeza a analizar os estudos clínicos para empregar a vacina de Pfizer contra a Covid-19 en cativos de entre cinco e once anos. Este tratamento xa se emprega nos menores a partir dos doces anos e crea uns niveis de anticorpos semellantes aos dos adultos. 

A EMA atende a solicitude da farmacéutica e da súa socia, a biotecnolóxica Biontech: ampliar o uso do seu tratamento contra a Covid nos máis pequenos.

En dous meses, o regulador europeo das medicinas notificará se esta vacina é segura e eficaz. Agora, xa está estudando os ensaios clínicos achegados polas empresas, que fixeron probas en máis de 2.000 cativos de entre 5 e 11 anos.

Se os resultados son satisfactorios, sería o primeiro tratamento contra a covid dispoñible na UE para os nenos. E reforzaría o papel de Pfizer e Biontech como espiña dorsal das campañas de vacinacións europeas.