Tras un ano de pandemia, semella que falar de saúde sempre vai ser falar de coronavirus, pero xa sabemos que hai outras enfermidades que seguen estando aí e que é preciso tratar. A covid-19 obrigou a cambiar moitas cousas, entre elas a adaptar o modelo de atención presencial, algo no que xa ten anos de experiencia o servizo de cardioloxía do CHUS.Despois dun ano de pandemia, parece que a covid-19 relegou outras patoloxías, crónicas, oncolóxicas, cardiovasculares... que seguen estando aí e que é preciso atender.

O coronavirus obrigou ademais a cambiar e adaptar o modelo de atención presencial, algo no que teñen moita experiencia no servizo de cardioloxía do CHUS... Alí levan anos utilizando o modelo de e-consulta, xunto con aplicacións de seguimento domiciliario de pacientes e mesmo coa incorporación das videoconsultas.
Enfermos e profesionais médicos quéixanse de que pola covid-19 moitos pacientes perderon neste tempo a continuidade asistencial.

Algo que poden axudar a solucionar as diferentes modalidades de telemedicina, que, din os expertos, chegaron para quedar.
Os médicos insisten en que en calquera caso é necesario un maior esforzo das autoridades e das administracións para non perder pola covid-19 todo o que se tiña logrado no diagnóstico e o tratamento precoz de múltiples patoloxías.