Os centros educativos gañadores do certame de carteis para o 8 de marzo recolleron os seus premios.

A conselleira de Emprego e Igualdade entregoulles os galardóns aos alumnos de Catoira, Vigo e O Porriño, os elixidos entre as 123 propostas presentadas para ilustrar a campaña institucional da Xunta.

Os alumnos explicaron os seus deseños e mensaxes para o Día da Muller, e María Jesús Lorenzana destacou o papel do ensino galego na loita pola igualdade.

María Jesús Lorenzana, conselleira de Emprego e Igualdade: "O último informe PISA di que os alumnos galegos son os máis informados en igualdade xénero en toda España. Temos que estar orgullosísimos deste dato".