As medidas para combater o coronavirus afectan a todos e, no caso da catedral vai seguir pechada "ata novo aviso", segundo anunciou o arcebispado nun comunicado. Nun principio falan de quince días, pero todo depende de como evolucione a crise do coronavirus e do que decreten as autoridades. O templo xa empezara onte a restrinxir o acceso, e só podían estar dentro un máximo de 25 persoas. Dende esta mañá xa non admiten visitantes. O que si continúa son as obras, polo menos de momento.