A capital de Bergantiños mellorou a incidencia nos últimos días e cae da listaxe dos concellos que ían quedar co máximo nivel de restricións. A noticia permite coller folgos a uns veciños que levaban tempo padecendo as consecuencias do peche estrito.

Pola situación hospitalaria, a mobilidade permitirase só dentro da área da Coruña. A mesma situación que terán nas áreas de Ferrol e Pontevedra.

Os pequenos empresarios piden desescalar con prudencia. E na hostalería, celebran poder recibir por fin persoas doutros concellos. Pero no nivel intermedio, a apertura é só nas terrazas ao 50 % e ata as seis da tarde.

O respiro, económico e de mobilidade, chegará este mesmo venres.