O candidato demócrata Joe Biden converteríase este sábado no presidente electo dos Estados Unidos tras a conquista Pensilvania, segundo indican as proxeccións das canles CNN, CBS e  NBC.

A súa compañeira de fórmula, Kamala  Harris, faría tamén historia, xa que se convertería  na primeira muller elixida xamais como vicepresidenta dos Estados Unidos, ademais da primeira muller negra que chegaría a ese cargo, en caso de que ambos asuman finalmente a Casa Branca o 20 de xaneiro. 

As principais canles de televisión fixeron a proxección pouco antes das 11:30 da costa este (16:30 GMT), cando  Biden ampliou a súa vantaxe en Pensilvania a máis de 30.000 votos sobre o presidente estadounidense, Donald  Trump.

Actualmente, Biden suma 284 delegados ou 273, dependendo de se se ten en conta  Arizona ou non, onde algúns medios non proxectaron aínda a súa vitoria, o que si que fixeron outros a noite electoral como a axencia AP e Fox News; fronte aos 214 que contabiliza Trump. 

Na tarde do sábado, Biden publicou unha mensaxe na súa conta de Twitter na que di estar "honrado" de que fora escollido para dirixir o país. "O traballo que temos por diante será duro, pero prométovos isto: serei un presidente para todos  os americanos, independentemente de que me votárades ou non". 

America, I’m honored that you have chosen me to lead our great country.

The work ahead of us will be hard, but I promise you this: I will be a President for all Americans — whether you voted for me or not.

I will keep the faith that you have placed in me. pic.twitter.com/moA9qhmjn8

— Joe Biden (@JoeBiden) November 7, 2020

Mentres tanto, o cálculo continúa e as autoridades locais esperan ofrecer novos resultados ao longo da xornada en Nevada, Xeorxia e  Arizona, aínda que advirten de que o proceso a partir de agora podería retrasarse aínda máis. Trump encomendouse ás demandas que presentou en varios estados chave, pero é pouco probable que algunha delas poida invalidar os votos suficientes en ningún territorio.