Levan casco, luces, roupa de cores vivas e van en grupo, pero aínda así, os ciclistas enfrontan riscos importantes na estrada.

Un xeito de minimizar ese risco é levar un coche con sinalización detrás do grupo, para advertir os vehículos que se acheguen.

Agora, clubs, peñas ou grupos de afeccionados poden solicitar un destes vehículos de apoio, a través da campaña 'Xuntos no asfalto'.

O club ciclista Betanzos protagoniza esta cuarta edición da campaña, e din que grazas a ela os adestramentos son máis seguros.

Manter sempre a distancia de seguridade é o mellor xeito de protexer os ciclistas. Xuntos no asfalto, e con todas as precaucións para circular con seguridade.