A área de Pontevedra aumenta casos activos, mentres que o global galego segue baixando
• Descenden os novos casos detectados por probas diagnósticas (-3)
• Aumentan as persoas hospitalizadas en planta, pero descenden en UCI
Os casos activos seguen baixando en Galicia (-47) e xa están por debaixo dos 1.200. En concreto, hai 1.160 persoas con coronavirus.
En canto aos casos detectados por PCR, diminúen con respecto ao día anterior (-3). En total, hai 30 novos casos positivos.
Por áreas sanitarias, a repartición de casos activos é a seguinte:
Vigo: 241 (-1)
A Coruña: 260 (-17)
Pontevedra: 85 (+3)
Santiago: 139 (-15)
Ourense: 190 (-7)
Lugo: 217 (-9)
Ferrol: 28 (-1)
Pola súa parte, a ocupación hospitalaria mantense coa mesma cantidade de persoas ingresadas que na xornada de onte (58), pero varía en UCI e en planta: hai 16 persoas en coidados intensivos (-1) e 42 en planta (+1). Con todo, o Sergas notificou cinco falecementos por coronavirus, alzando a cifra aos 2.634 decesos desde o inicio da pandemia.