A confraría de Aguiño abriu a campaña de marisqueo este luns. As capturas de ameixa babosa son similares ás de anos anteriores, ao redor de 1.000 quilos ao día, pero nesta ocasión con prezos máis propios do Nadal.

Medio cento de embarcacións abriron esta semana a campaña de marisqueo en Aguiño. A ameixa babosa escasea, pero nestes primeiros días os mariscadores logran coller o tope fixado en 10 quilos por tripulante.

A campaña nestes primeiros días é semellante á do ano pasado en cantidades e estanse a poxar na lonxa uns mil quilos diarios deste molusco, pero este ano o que sorprende son os prezos. 

O prezo medio en lonxa estivo o luns nos 31 euros o quilo e as de máis calidade chegaron aos 41.