O paro subiu en abril e Galicia un 9,8 por cento, con 17.148 novos desempregados rexistrados. En total, a cifra de parados na comunidade autónoma ascende a 191.629 persoas.

A afiliación media á Seguridade Social baixou en 27.853 persoas, un 2,78 por cento, ata as 974.770.

Na actualidade, hai 150.241 traballadores en Galicia afectados por un expediente de regulación temporal de emprego (ERTE) por causa de forza maior.

Análise da Xunta

Galicia conta con 25.403 parados máis que hai un ano. A Xunta destaca que o incremento, do 15,28 por cento, é de "case seis puntos menos ca a media estatal, do 21,10 %".

Engade que os datos non son representativos porque a crise causada polo coronavirus interrompe a tendencia. 

O paro sobe en todos os sectores de actividade. O sector servizos, con todo, é o máis afectado, con 8 de cada 10 parados na actualidade, segundo destaca a Xunta.

Respecto das afiliacións á Seguridade Social, a baixada en termos interanuais é do 3,54 por cento, con 35.821 cotizantes menos. A Xunta destaca que "o ritmo de baixada é lixeiramente inferior ao conxunto do Estado (España -4,01%)".