Tamén houbo polémica no Parlamento catalán por unha intervención da alcaldesa de Vic. PSC, PP e Ciudadanos acusaron a Anna Erra de racista e supremacista por falar de "cidadáns autóctonos" e dicir que hai xente que non parece catalá polo seu aspecto físico. A deputada pediu desculpas e di que a malinterpretaron. Esta foi a súa intervención, moi controvertida. 

Anna Erra. Deputada de Jxcat: "Temos que concienciar os cataláns autóctonos que hai xente de fóra que quere aprender catalán. E poñer fin ao costume, en determinadas zonas do país, de falar sempre en castelán con calquera persoa que polo seu aspecto físico ou polo seu nome non pareza catalá".