A recuperación económica enfróntase a un grande atranco. A escaseza de materias primas e o encarecemento das mesmas polo acaparamento realizado pola China durante a pandemia.

A construción e a automoción son dous dos sectores máis afectados pero non os únicos ; a madeira foi outro dos produtos que se encareceu nos últimos meses; neste caso polo encarecemento do transporte.

Os expertos piden ás administracións que artellen medidas para reducir a dependencia dos mercados asíaticos.

A China xa anunciou que comezará a liberar parte da reserva nacional de metais industriais para tentar controlar o incremento de prezos e garantir a subministración mundial destas materias primas.