Máis de 60 entidades súmaronse ao Pacto pola Ciencia e a Innovación, que se asinou esta tarde en Madrid. O documento contempla medidas para aumentar os recursos económicos para a investigación en España, reforzar o papel das axencias financiadoras, e atraer e reter o talento no país.

Actualmente, o investimento público e privado en I+D en España supón o 1,24 por cento do Produto Interior Bruto. O obxectivo é que en 2030 alcance o 3 por cento.