Máis de 350 militantes e cargos do Partido Socialista de Galicia secundan un manifesto a favor dos indultos aos presos do procés. Apoian a medida de graza como forma de iniciar unha nova vía de diálogo e entendemento que facilite a convivencia en Cataluña. Entre os asinantes están a subdelegada do Goberno en Pontevedra, Maica Larriba, a expresidenta do Parlamento galego Dolores Villarino ou os deputados no Congreso Guillermo Meijón e Diego Taibo.