Vela, windsurf, kayak, snorkel, son algunhas das moitas actividades náuticas das que estes días gozan os 150 mozos que paticipan nun campamento de Gandarío. Chegados de diversos puntos de Galicia e doutras comunidades de España, aproveitan o verán para gozar de novas experiencias, malia que ás veces o tempo non acompañe.

A golpe de ritmo latino comezan a xornada os 150 mozos que esta primeira quenda de xullo participan no campamento náutico de Gandarío.

Tras ese quecemento, é hora de ir gozar da auga e da náutica nas súas diversas modalidades. Para algúns é a súa primeira toma de contacto con estes deportes.

Tempo de aprendizaxe e tamén tempo de lecer, sobre todo ao caer a noite.

Actividades e experiencias que crean vínculos.

Toda unha experiencia náutica e persoal da que poderán gozar este verán ata 750 nenos en Gandarío.