Hai un día nesta residencia, a Doral de Mos, había 14 casos positivos en coronavirus. Foi o martes cando algúns anciáns comezaron a ter síntomas. O primeiro caso foi o dun traballador. Nas últimas 24 horas deron positivo en virtude dunha proba PCR 80 usuarios e 34 empregados, ademais de 17 internos da área de discapacitados. En total 131 novos casos. Así que con 145 positivos convértese no gromo máis numeroso e preocupante de toda Galicia.

A residencia Domus Vi de Ribadumia, con 96 positivos, é a segunda con maior número de casos activos despois da de Mos. Na área de Vigo a residencia Ballesol ten 53 positivos por PCR e o CRAPD Vigo no Meixoeiro suma catro casos novos e queda na cifra de 12 enfermos.

Este sábado chama a atención esta residencia, San Salvador, do concello lugués de Guntín de Pallares. Nela había dous traballadores illados por positivo e en 24 horas temos que falar de tres traballadores máis coa covid-19 e 11 usuarios, é dicir, que hai 16 casos activos.