E abriu as portas o Salón Internacional de Turismo Gastronómico. Para todos: Xantar.

Fogóns a pleno rendemento dende primeira hora nos 15 restaurantes presentes no salón de turismo gastronómico. Un produto do mar ou da terra arredor do que xira toda unha economía.

O evento xunta 273 expositores de 12 países. Prográmase unha chea de actividades que explotan as potencialidades da gastronomía como reclamo turístico, un eido en que Galicia ten moito que ofrecer.

A cadea de produción que remata co alimento na mesa comeza no campo e no mar. Se o turismo pula da gastronomía, cómpre reforzar o sector primario.

O Brasil é o país convidado nesta edición, en que o veciño Portugal ten tamén unha presenza importante.