Shin Chan é un neno optimista e despreocupado, que sinte debilidade polas mulleres guapas e ten unha habilidade especial para alporizar a todos cantos se cruzan no seu camiño. Tanto no colexio como na casa protagoniza todos os conflictos.

A doutora Chus Nespereira, a enfermeira Encarnación Silva, o doutor Paulino Pereiro, o celador Cipriano Vilariño e o doutor Dapena traballan no servizo de urxencias dun hospital visto en clave paródica e de humor. É a primeira serie de ficción televisiva producida na TVG.

Personaxes convidados aparecen contando chistes no plató relativos aos seus respectivos ámbitos profesionais. Hai tamén chistes de galegos que viven fora de Galicia, cámaras ocultas e un concurso entre os dous grupos que protagonizan cada edición do programa.

Así comezou a historia do Prestige, un buque que transportaba 77 mil toneladas de petróleo a 28 millas da costa galega, fronte á Costa da Morte, cando un golpe de mar fixo unha fenda no seu casco. Ía producirse a catástrofe ecolóxica máis grande da historia de Galicia.

Case nove anos despois da súa primeira aparición en pantalla, o Xabarín consegue xuntar no seu clube de colegas máis de cen mil socios de toda Galicia e fora dela. A xeración Xabarín xa está en marcha.

Mítica serie na que Kevin xa adulto, desde a súa perspectiva de finais dos oitenta, narra a súa vida comenzando en 1968, cando tiña 12 anos, facendo un retrato da sociedade de entón e relatando os as repercusións que todos aqueles feitos tiveron na súa madurez.

Fenómeno editorial con máis dunha década ás súas costas, despois de douscentos títulos publicados e case un millón de exemplares distribuídos, esta familia de monicreques creada por Pepe Carreiro salta dos libros á TV da man da canle autonómica galega.

Programa de humor  que conta con sketchs, tanto no estudio coma en exteriores, convidados famosos que amosarán a súa vertente máis artística, actuacións en directo de grupos musicais e da propia banda do espazo, parodias, comedias de situación...

Un grupo fixo de cinco persoas moi coñecidas pola audiencia, percorrerá toda Galicia na busca de experiencias únicas. É un desafío onde se compartan emocións, sorpresas, solidariedade e moita diversión.

Unha comedia familiar, alternativa á ficción tradicional, na que destacan as conversas de Moncho coa cámara, un home optimista, casado con fillo, que vive nunha difusa zona rural, nun chalé solitario e a medio facer ao pé dunha estrada comarcal. 

Gloria Leiro é unha muller que chega dende Arxentina ata Cambados para coñecer ao seu benefactor, Don Ramón. Don Ramón é o patriarca dos Lataño, familia propietaria de adegas e viñedos na comarca do Salnés. A chegada de Gloria, xusto no día en que Don Ramón e Dona María celebran as súas vodas de ouro, reabrirá moitos conflictos soterrados na familia. 

Programa documental que recorda a historia da cidade e o significado de moitos dos espacios delas, a pé de rúa, coincidindo coa celebración do primeiro Ano Xacobeo do século XIX. O documental fai un percorrido polos barrios da cidade para descubrir como naceron e ata como naceu o seu nome, como se distribuiron os gremios que aínda hoxe seguen conformando a estructura comercial e vital de Santiago de Compostela.

A señora Pita aluga cuartos a unha serie de persoas curiosas que co tempo se convertirán nun simulacro de familia. A casa da Sra. Pita, viúva dende hai nove anos, recibe como hóspede a Manuel, un parente do que nin se coñece o seu aspecto e que vai estudar oposicións. As circunstancias, sen embargo, engaden novos convidados á casa da familia Pita.

Programa con contidos orientados aos bebés e aos cativos de idade preescolar, deseñado para axudar aos máis cativos a coordinar observación, atención e comprensión.É unha comedia de primeiros conceptos, números, cores, formas, que reúne por primeira vez rapaces de todo o mundo, falando nos seus idiomas orixinais. Os Teletubbies gozan vendo o seu reflexo no espello. Luminosos, coloristas, xoguetóns e cariñosos, así son os

En Santalla conviven a finais da ditadura franquista varias familias: Os Cabanas, labradores de toda a vida e propietarios dun ultramarinos, conviven cos Lamela, saga de caciques que ten contas pendentes cos Freire, indianos que volven da emigración logo de facérense ricos en Venezuela. Libro de familia retrata a Galicia dos anos sesenta, cando empezan a emerxer as cooperativas e a industria e comezan a chegar os cartos da emigración.

Programa concurso dirixido a toda a familia. Un gran formato no que participaban dous equipos representantes de diferentes localidades da comunidade galega, que se enfrontaban a través de distintas probas e xogos que mantiñan a tensión ata o final. 

Espacio de divulgación sobre as actividades da caza e a pesca en Galicia. Inclúe noticias de actualidade de interese para cazadores e pescadores, analiza as funcións reguladoras do ecosistema que cumpren estas actividades e divulga as normas que as deben rexir permanentemente.

É o espacio herdeiro do Téquele téquele, que introduce, ademáis do karaoke clásico, o formato dos bailes de salón, previa selección das mellores parellas galegas. Realizado nun plató que reproduce un salón de baile, as parellas compiten no baile. Un xurado puntúa aos concursantes.

O primeiro karaoke feito en lingua galega. O programa era diario, e emitíase pola tarde, realizado en exteriores, en distintas comarcas galegas.