A Radio Galega retransmitiu en directo a presentación da Capitalidade Europea da Cultura do ano 2000, na que participaron o alcalde da cidade, Xosé Sánchez Bugallo, o ministro de Educación e Cultura, Mariano Rajoy, e o presidente da Xunta de Galicia, Manuel Fraga.

A Unesco declarou o 30 de novembro do ano 2000 a Muralla de Lugo patrimonio da humanidade. O programa O Miradoiro da Radio Galega dedícalle a ese singular monumento e á cidade de Lugo enteira unha boa parte do espacio dese día.

A vida aberta retrata a vida real dun centro público con gran actividade. Desde un hospital público como o Clínico de Santiago, ata un centro de hospedaxe como o que se retrata neste capítulo titulado Cidade de vacacións Monte do Gozo.

Gloria Leiro é unha muller que chega dende Arxentina ata Cambados para coñecer ao seu benefactor, Don Ramón. Don Ramón é o patriarca dos Lataño, familia propietaria de adegas e viñedos na comarca do Salnés. A chegada de Gloria, xusto no día en que Don Ramón e Dona María celebran as súas vodas de ouro, reabrirá moitos conflictos soterrados na familia. 

Resumo das noticias máis importantes emitidas ao longo do ano 2000 polos distintos programas informativos da Televisión de Galicia. As imaxes e os protagonistas conforman o son da información.

 Foi o primeiro home do tempo en 1986 e mantivo desde entón esa imaxe do home do tempo da televisión. En Mar de Fondo informa da situación meteorolóxica para a xente que vive de cara ao mar.

Cento vinte programas de información turística galega. Sete son os eixos destes documentais: a cultura popular, os aloxamentos, os artistas, os restaurantes, os locais con encanto, as rotas cercanas e as novas ofertas.

Mar de Fondo é un programa de información meteorolóxica pertencente aos Servizos Informativos que está especialmente dirixido a xente do mar.

Nova edición do musical que neste verán de 2000 chega á súa terceira edición

A primeiros de marzo do ano 2000, a forza do tifón Elianne provocou graves inundacións en Mozambique. Máis dun millón de persoas quedou sen fogar, houbo milleiros de desprazados e importantes destrozos materiais. 

Serie documental de oito capítulos que seguíu a vida de dúas orquestras ao longo dun verán durante as súas actuacións e tamén na súa vida cotiá.

O 13 de maio do ano 2000, o Papa Xoán Paulo II beatifica no Santuario de Fátima (Portugal) a dous dos pastores, os irmáns Jacinta e Francisco Marto, que viviron cando eran nenos as aparicións da Virxe en 1917.

O 15 de febreiro do ano 2000, ás 3 da mañá, o buque ESPRESSO DE CATANIA aborda ao ZAFIR no Mar Xónico, á altura de Catanzaro (Calabria), ao sur de Italia.

O ZAFIR afúndese rapidamente. Dos 14 tripulantes, todos galegos, só se salva o mecánico naval en prácticas, Óscar del Río, de 23 anos e natural de Vigo.