CRTVG

Buscar

CRTVG Viva

Novas CRTVG

O actor portugués Rodrigo Paganelli ficha polo #DígochoEu da CRTVG en Twitch

12/05/2021

O #DígochoEu terá dúas emisións semanais en Twitch ás 22.00 horas: ‘O reto do #DígochoEu’, os luns, e o ‘#Apuntamento lusófono’, os mércores, coa colaboración do actor luso Rodrigo Paganelli 

O luns 17, o convidado ao primeiro reto será o presentador do ‘Malicia noticias’ Brais Doval

O actor portugués Rodrigo Paganelli ficha polo #DígochoEu da CRTVG en Twitch

Santiago de Compostela, 12.05.2021.- A CRTVG emitirá, desde a semana que vén, dous programas semanais, ás 22.00 h en twitch.tv/crtvg. Despois da estrea en Twitch deste mércores, nunha sesión en streaming en que participaron centros escolares de toda Galicia, os seguidores de #DígochoEu poderán gozar destas dúas citas semanais os luns e mércores pola noite. 

ler máis

A cantante Faia presenta no ciclo do 'Galicia Emerxe' na G2 o seu novo espectáculo musical

12/05/2021

Aberta ao experimental, os ritmos e melodías tradicionais buscan outros camiños a través da súa voz

A cantante Faia presenta no ciclo do 'Galicia Emerxe' na G2 o seu novo espectáculo musical

Santiago, 12.05.2021.- A G2 achega esta noite, ás 23.30 horas, un novo concerto do ciclo ‘Galicia Emerxe’, a cargo de Faia, artista destacada que investiga arredor das cantigas e músicas tradicionais galegas e, sobre todo, das mulleres que as cantan e das historias que van unidas a estes sons. Ademais de cantar en solitario, Faia é fundadora e integrante do grupo De Vacas, do Coro Encaixe, da compañía Apatacón e, xunto a Nacho Muñoz e LAR Legido, revisa o repertorio de Zeca Afonso. En 2019, lanza ‘Ao cabo Leirín’, o seu primeiro disco oficial de estudio.

Nesta nova cita, Faia Díaz presenta un novo espectáculo, que, en realidade, é unha evolución, un paso máis no seu proceso de creación desde o primeiro álbum. Os ritmos e melodías tradicionais buscan outros camiños a través da voz, movéndose entre o íntimo, o falado e o silenciado. Aberta ao experimental, a música atopa eco noutras disciplinas e diálogos nunha dimensión máis plástica. Como constante no seu traballo, a muller volve ser protagonista, portadora dunha identidade rica, xenuína e diversa.

Cunha duración de 40 minutos, este concerto estará dispoñible na web dos medios públicos galegos unha vez finalizada a súa emisión pola segunda canle da Galega e o sábado poderase ver na TVG (10.40 h), amais de escoitarse tamén en Radio Galega Música (22.00 h). Ademais, os espectadores poderán ver todos os concertos xa emitidos na páxina da CRTVG.

No ciclo ‘Galicia Emerxe’, conformado por un total de 50 concertos de destacados artistas e grupos galegos, gravados no Museo Centro Gaiás da Cidade da Cultura, contarase nas vindeiras semanas coa música de Rodrigo Romaní, Novedades Carminha, Triángulo de Amor Bizarro, Susana Seivane, Uxía, Eladio y los Seres Queridos e De Vacas, entre outros.

ler máis

Oito centros educativos galegos gañan o III Concurso de Podcasts Radio na Biblio, que contou coa participación da RG

11/05/2021

Os traballos sonoros premiados, realizados arredor da figura de Xela Arias, poderán escoitarse na emisora pública a semana das Letras Galegas e tamén se difundirán a través da súa páxina web e da canle dixital do programa ‘Diario Cultural’

O obxectivo do certame é estimular a elaboración por parte dos estudantes de produtos radiofónicos enfocados a salientar a riqueza do patrimonio lingüístico galego&

Oito centros educativos galegos gañan o III Concurso de Podcasts Radio na Biblio, que contou coa participación da RG

Santiago, 11.05.2021.-    A Radio Galega colaborou novamente este ano no III Concurso de Podcasts Radio na Biblio, cuxa resolución acaba de facer pública a Xunta de Galicia. Un total de oito centros educativos de toda Galicia resultaron gañadores con traballos realizados ao abeiro do programa Radio na Biblio e arredor da figura de Xela Arias, co gallo do Día das Letras Galegas de 2021.

Na modalidade de Infantil e primeiro ciclo de Primaria, os premiados son ‘No berce da lingua’, do CEIP Plurilingüe de Outes (Serra de Outes) e ‘As aventuras do avó Manuel’, do CPI Plurilingüe de Rodeiro. No caso da modalidade para alumnos de 3º a 6º de Primaria, os gañadores son ‘Entrevista á nena Xela Arias’, do CPI As Revoltas (Cabana de Bergantiños) e ‘Na busca do felino’, do CEIP Mestre Manuel García (Oia).

Na categoría de alumnado de Secundaria, os galardoados son ‘Xela é moita Xela’, do CPI de Cervantes, e ‘Poesía que alimenta’, do IES Monte Carrasco (Cangas). Finalmente, na modalidade para estudantes de ensinanzas de Bacharelato, de persoas adultas ou ciclos formativos, resultan premiados ‘Voces para Xela’, do IES Punta Candieira (Cedeira), e ‘Exóticas’, da Escola Oficial de Idiomas de Vilagarcía de Arousa.

Para participar neste certame os centros debían presentar traballos sonoros como entrevistas, cuñas publicitarias, noticiarios, faladoiros, debates ou programas monográficos, entre outros formatos, todos eles en lingua galega.

Os centros gañadores nas distintas modalidades recibirán unha asignación extraordinaria de 1.000 € para melloras no laboratorio de radio ou para actividades relacionadas co funcionamento do mesmo, sempre vinculado á biblioteca do centro. Así mesmo, poderán visitar as instalacións da Radio Galega en Santiago e os podcasts premiados serán emitidos pola emisora pública na Semana das Letras Galegas, entre o 17 e o 21 de maio. Á súa vez, difundiranse a través da súa páxina web e da canle dixital do programa ‘Diario Cultural’ (diariocultural.gal).

O obxectivo do certame é estimular a elaboración de produtos radiofónicos por parte dos estudantes, enfocados a salientar a riqueza do patrimonio lingüístico galego, especialmente vinculados á lectura de poesía galega ou ao mundo do libro, da edición e da tradución.

ler máis

A CRTVG estrea canle en Twitch este mércores cun encontro de #DígochoEu con escolares de toda Galicia

11/05/2021

A primeira sesión será este mércores 12 de maio, coa participación de escolares e profesores de centros educativos 

A estrea pode seguirse en twitch.tv/crtvg, ás 12:00h

A CRTVG estrea canle en Twitch este mércores cun encontro de #DígochoEu con escolares de toda Galicia

Santiago de Compostela, 11.05.2021.- A CRTVG estrea este mércores canle en Twitch, a plataforma de vídeos en directo, cunha primeira sesión de #DígochoEu en streaming ás 12 do mediodía e coa participación de centros escolares de toda Galicia.

ler máis

Celta-Xetafe, este mércores na Radio Galega

11/05/2021

O Celta afronta este compromiso nun momento doce, tras golear o finalista da Europa League, o Vilarreal, no seu campo da Cerámica

Celta-Xetafe, este mércores na Radio Galega

Santiago, 11.05.2021.- Esta semana dispútanse dúas das últimas tres xornadas da Liga de fútbol na Primeira División. A antepenúltima cita do calendario chega este mércores para o Celta de Vigo, que recibe en Balaídos o Xetafe a partir das 8 da tarde. Desde as oito menos cuarto, Paco Santos conduce a edición extraordinaria de 'Galicia en goles', coa narración de Roberto Carlos Carballo e os comentarios dos especialistas Víctor López, Jose Valtierra e Moncho Carnero.

O Celta afronta este compromiso nun momento doce, tras golear o finalista da Europa League, o Vilarreal, no seu campo da Cerámica. Mentres, o Xetafe xoga un encontro con sabor a final, xa que, ao perder fronte ao Eibar, entra no grupo de candidatos a perder a categoría ao remate da temporada.

ler máis

Ao longo dun ano, o documental ‘Eloxio da distancia’ amosa na G2 os vínculos dunha comunidade na Fonsagrada

11/05/2021

Percorre cada unha das estacións, coa axuda dun carteiro, uns membros dunha comuna, un restaurador e unha veterinaria

Ao longo dun ano, o documental ‘Eloxio da distancia’ amosa na G2 os vínculos dunha comunidade na Fonsagrada

Santiago, 11.05.2021.- A G2 ofrece esta noite ‘Eloxio da distancia’ (23.30 h), documental dirixido por Felipe Vega e Julio Llamazares, que recolle un ano na vida dos habitantes da zona da Fonsagrada, estructurado en catro partes, coincidentes coas estacións do ano. A primavera de Raúl Fernández, o carteiro de Cereixido; o verán de Luz, Ingeborg Rossel e outros superviventes dos restos dunha comuna en Ernes, á beira do Navia; o outono de José Lombardía Pereira ‘Bolaño’, un restaurador da Fonsagrada, que camiña o seu mundo cos seus amigos, e o inverno de Pilar Díaz Fernandez, a veterinaria do Cádavo-Baleira, e a súa angueira diaria por sandar e salvar os animais dos seus veciños.

ler máis

CRTVG, a primeira autonómica de España en lanzar unha canle integramente a través de Youtube

10/05/2021

O sinal TVG Europa poderase ver en directo as 24 h, a través do maior distribuidor do mundo

A CRTVG continúa a desenvolver a súa estratexia de creación de canles dixitais e alcance global

CRTVG, a primeira autonómica de España en lanzar unha canle integramente a través de Youtube

Santiago de Compostela, 10.05.2021.-   A Corporación Radio Televisión de Galicia inicia este luns a emisión ininterrompida do seu sinal internacional a través da plataforma YouTube, converténdose na primeira autonómica e unha das primeiras televisións xeneralistas de España en ofrecer contido en YouTube as 24 horas do día, os 7 días da semana e en directo.

ler máis

Entrevistas diarias sobre Xela Arias, esta semana na Radio Galega

09/05/2021

Nas distintas edicións do ‘Diario cultural’ da Radio Galega achegaranse conversas cunha vintena de expertos sobre a autora

 

Entrevistas diarias sobre Xela Arias, esta semana na Radio Galega

Santiago, 09.05.2021.-  A Radio Galega amplía esta semana a súa oferta de contidos especiais en homenaxe á autora Xela Arias, a través da emisión dunhas entrevistas diarias, en que participarán unha vintena de expertos, para debullar a vida e obra da poetisa sarriá.

ler máis

A produción galego-dominicana 'Sol e Lúa', participada pola TVG, é candidata a mellor comedia e mellor director nos Premios Soberano 2019

02/05/2021

Convocados pola Asociación de Cronistas de Arte, estes galardóns, que se entregarán en Santo Domingo no mes de xuño, son equivalentes aos Goya españois e aglutinan tamén os sectores da arte, a música e a televisión

Coa emigración como pano de fondo, a película, dirixida por José E. Pintor, foi rodada na súa meirande parte en Galicia e conta no seu elenco cos actores galegos Nerea Barros e Manuel Manquiña

A produción galego-dominicana 'Sol e Lúa', participada pola TVG, é candidata a mellor comedia e mellor director nos Premios Soberano 2019

Santiago, 02.05.2021.-   A comedia romántica ‘Sol e Lúa’, unha produción de Ézaro Films participada pola Televisión de Galicia, conseguiu dúas candidaturas para os Premios Soberano 2019, convocados pola Asociación de Cronistas de Arte (Acroarte) da República Dominicana, uns galardóns equivalentes aos Goya españois, pero que tamén aglutinan os sectores da arte, a música e a televisión.

‘Sol e Lúa’, unha película producida por Antonio Sánchez, é candidata aos Soberano nas categorías de mellor comedia cinematográfica e mellor director de cine (José E. Pintor). A gala de entrega de premios celebrarase no mes de xuño no Teatro Nacional Eduardo Brito de Santo Domingo.

Cos dominicanos Frank Perozo e Dalisa Alegría e os galegos Nerea Barros e Manuel Manquiña como protagonistas, o filme foi rodado na súa meirande parte en Santiago de Compostela, ademais de en localizacións de Valdoviño, Santo Domingo e Punta Cana.

Baseada nunha idea orixinal de Ángel Peláez e con guión de José Antonio Pastor, José E. Pintor e Ángel de la Cruz, quen conta xa con tres premios Goya no seu haber, esta produción galego-dominicana xira arredor da vida dun documentalista que sae de Santo Domingo e viaxa a Galicia para tratar de atopar os motivos que teñen os emigrantes para abandonar a súa vida e deixar o seu país de orixe.

ler máis

A TVG segue imparable e acada a maior audiencia no mes de abril desde 2012

01/05/2021

A canle acadou en abril o 10,7 % de cota no conxunto do día e o 10,6 % no prime time, os mellores datos do ano e o mellor dato dun mes de abril desde 2012, cando conseguira un 11,9 %

A Galega é líder de audiencia entre a xuventude, de entre 13 a 24 anos, cun 14,3 % de cota, tres puntos máis que a seguinte canle, Tele5

 

 

A TVG segue imparable e acada a maior audiencia no mes de abril desde 2012

Santiago, 01.05.2021.-   A Televisión de Galicia segue a medrar e a ser máis líder mes a mes en Galicia. Así o reflectiron os datos da primeira onda do EXM, referendados neste caso polo medidor de Kantar Media, que lle outorga á TVG unha suba de case un punto con respecto a marzo, e que fai que este pasado mes sexa o mellor abril desde 2012.

ler máis