CRTVG

Buscar

CRTVG Viva

Novas TVG

Esta noite, en exclusiva no 'Land Rober Tunai Show', a parella máis buscada: Kiko Rivera e Irene Rosales

28/10/2021

Despois de tanto ruxerruxe, o programa presentado por Roberto Vilar (21.55 h) vai poñer a proba a súa complicidade e algo máis

Esta noite, en exclusiva no 'Land Rober Tunai Show', a parella máis buscada: Kiko Rivera e Irene Rosales

Santiago, 28.10.2021.-   Este xoves chega unha auténtica revolución ao plató do ‘Land Rober Tunai Show’: Kiko Rivera e Irene Rosales. A parella que máis está dando que falar vén pintar a mona como nunca. E logo de tanto ruxerruxe, o espazo da TVG vai poñer proba a súa complicidade e algo máis. O fillo da Pantoja tamén vai poñerse na pel dun personaxe ben recoñecido por todos. E Víctor Fábregas terá moito que ver nisto...

Por se fose pouco, volve o divertidísimo ‘Quen vés sendo?’. Quen será a señora protagonista? Se Miguel Canalejo non acerta, terá que beber ovo cru con vinagre. Volve o castigo do ‘Land Rober’! Todo isto e moito máis, esta noite con Roberto Vilar e Eva Iglesias.

ler máis

O actor Javier Veiga e o cantante Lito Garrido volven esta noite ás aulas en 'Os Mellores da Clase'

27/10/2021

Acompañados dalgúns compañeiros do colexio e guiados por María Mera, tratarán de superar todas as materias para facérense co trofeo do programa (23.10 h)

O actor Javier Veiga e o cantante Lito Garrido volven esta noite ás aulas en 'Os Mellores da Clase'

Santiago, 27.10.2021.-    O actor Javier Veiga chega desde O Grove e Lito Garrido, cantante da orquestra Panorama, desde Sanxenxo. O programa ‘Os Mellores da Clase’ acolle, na nova entrega desta noite, unha rivalidade entre veciños máis vella que a praia da Lanzada.

Acompañados dalgúns compañeiros do colexio, Javier e Lito volverán ás aulas e, guiados por María Mera, tratarán de superar todas as materias para facerse co trofeo do programa. Haberá tempo para rir, para emocionarse e para ver os estes dous famosos gozando coma menos.

ler máis

A historia dun amor a primeira vista, o de Yaiza e Iván, esta noite no programa 'Casamos!'

26/10/2021

Despois de seis anos xuntos e dous fillos en común, deciden casar nunha voda que organizaron en só catro meses (23.10 h)

A historia dun amor a primeira vista, o de Yaiza e Iván, esta noite no programa 'Casamos!'

Santiago, 26.10.2021.-    A historia de amor de Yaiza e Iván, os protagonistas desta noite no programa ‘Casamos!’, foi amor a primeira vista, polo menos para ela. Yaiza traballaba nun bar en Vigo e Iván saía cada día do seu garaxe en moto e co casco posto. Yaiza víao e sen saber nin como nin por que soubo dende o minuto 0 que ese rapaz lle gustaba.

Cando Iván comezou a ir polo bar estableceron unha amizade que pouco a pouco se foi convertendo en amor. Agora, despois de seis anos xuntos e dous fillos en común, deciden casar nunha voda que organizaron en só catro meses. No enlace non faltarán nin os detalles nin as sorpresas para noivos e convidados.

ler máis

'Desmontando Galicia' descubrirá hoxe todos os segredos dos pazos galegos máis emblemáticos

25/10/2021

O programa visitará Meirás, Fefiñáns, o Faramello e Baión para analizar a relevancia e o papel na sociedade galega destas edificacións cheas de historia

'Desmontando Galicia' descubrirá hoxe todos os segredos dos pazos galegos máis emblemáticos

Santiago, 25.10.2021.-   O programa ‘Desmontando Galicia’ (23.10 h) céntrase esta semana no papel dos pazos na sociedade galega e a súa relevancia, fundamentalmente entre os séculos XVII e XIX. O espazo da TVG percorrerá algunhas das edificacións máis emblemáticas da nosa paisaxe e do noso patrimonio, cun carácter señorial inconfundible. Campesiños, funcionarios e fidalgos pasaron por eles e encheron as súas estancias e xardíns de historias que hoxe desvelarán Isabel Blanco, Diana Nogueira e, como non, o ‘SabichónQuique Morales.

Deste xeito, o espazo da TVG analizará a historia do pazo de Meirás, as súas orixes, os seus diferentes propietarios ao longo do tempo, así como as modificacións que realizaron nel. E o máis curioso de todo, os espectadores descubrirán que non é un pazo como tal.

Ademais, ‘Desmontando Galicia’ investigará en Cambados os segredos que agocha o pazo de Fefiñáns, un pazo urbano impoñente e cheo de historia. O programa tamén viaxará moi preto de Santiago para visitar o pazo do Faramello, unha construción nada ao carón da primeira fábrica de papel de Galicia, o que poderiamos chamar un pazo industrial e cunha relación moi especial co Camiño de Santiago.

O percorrido por algúns dos pazos máis emblemáticos de Galicia rematará no pazo Baión, un espazo que mudou de granxa rural a industria moderna converténdose nun referente vitivinícola da nosa terra.

ler máis

Chega hoxe en 'A Lei de Santos' o gran día da voda de Áurea e David

24/10/2021

O Matachín está exultante porque é unha grande oportunidade para desfacerse dos seus rivais, aínda que isto supoña un derramamento de sangue nunca visto en Viladesantos

Chega hoxe en 'A Lei de Santos' o gran día da voda de Áurea e David

Santiago, 24.10.2021.-  Este domingo, en ‘A Lei de Santos’ (23.10 h), chegou o día da gran voda entre Áurea e David. O Matachín está exultante porque é unha oportunidade de ouro para desfacerse dos seus rivais, aínda que iso supoña un derramamento de sangue nunca visto en Viladesantos.

Como parte do acordo entre o Matachín e Peixe, a voda celébrase no restaurante e iso supón que Santos, Abel e Emilia sexan os camareiros do banquete. Esta circunstancia pode converterse nunha nova oportunidade para recuperar as figuras, pero ninguén contaba coa asistencia ao enlace dunha vella coñecida.

Alleos á treboada que vai ocorrer no restaurante, Roi, Uxía e Lourenzo intentan resolver o asasinato de Denís. Agora todas as sospeitas están postas en Ingrid e a actitude que teñen tanto ela como Elba non fai máis que aumentar a presión sobre elas. Confesarán o asasinato?

ler máis

O programa 'Bamboleo' contará coas actuacións de Yotuel Romero e de Marcelo Dobode

23/10/2021

Con Nueva Fuerza, un grupo de Gran Canaria que trae os ritmos das illas, chegará hoxe a música máis festeira

O programa 'Bamboleo' contará coas actuacións de Yotuel Romero e de Marcelo Dobode

Santiago, 23.10.2021.-    Xosé Manuel Piñeiro acode esta noite á súa cita cos seguidores da Televisión de Galicia. Música, baile e humor serán os eixes sobre os que xirará esta nova edición de ‘Bamboleo’ (22.35 h).

Yotuel Romero, compoñente do grupo Orishas, é un dos convidados estrela de hoxe. Con temas como ‘Patria y vida’ ou ‘Rakata’, Yotuel conseguiu consolidar a súa carreira en solitario, ata chegar a converterse nun imprescindible no panorama musical internacional. En ‘Bamboleo’, Yotuel interpretará os seus temas máis coñecidos, participará nos xogos do programa e compartirá novidades.

O cadro de artistas complétase con Marcelo Dobode, que presenta seu primeiro disco en solitario: ‘Turoqua’; un traballo co que traspasa as fronteiras da tradición e crea novas melodías á vangarda da música.

Con Nueva Fuerza, un grupo que chega de Gran Canaria e que trae os ritmos das Illas, chegará hoxe a ‘Bamboleo’ a música máis festeira. Ademais, no ‘Dirtidansi’ está convidada unha das mellores parellas de baile deportivo de Portugal, a formada por Sergio e Rita, que realizarán dous magníficos números.  

Mentres Claudio Pan e Tamara Pérez meten os convidados en apuros nas súas correspondentes seccións, Isi porá o toque humorístico coas súas historias e vivencias máis tolas.

No ‘Agora ou nunca’ subirán ao escenario Paula Bemejo e Acacio Morales, que interpretarán ‘Por debajo de la mesa’, de Luis Miguel, e ‘A mi manera’, de Frank Sinatra. En ‘A jrileira’, o concurso para entidades deportivas, mediranse o Club Bádminton Outes e o Club de Fútbol Noia. En primeiro lugar, deberán entoar ‘Eres tú’, de Morat, e a continuación acertar intérpretes de cancións. Finalmente, coa ‘ITV do amor’ chegará un dos momentos máis quentes e participativos do programa. Unha parella competirá contra unha persoa do público por un gran premio.

ler máis

Paloma San Basilio, Agoney e Touriñán traen música e diversión a 'Luar' esta noite

22/10/2021

O musical continuará lembrando este venres a poboación da Palma tamén con Los Granjeros de Montaña como convidados

Paloma San Basilio, Agoney e Touriñán traen música e diversión a 'Luar' esta noite

Santiago, 22.10.2021.-  A illa da Palma segue moi presente esta noite en ‘Luar’ (21.55 h) a través da súa música. Xosé R. Gayoso e Trisha Fernández darán comezo ao programa cantando a coro o tema folclórico ‘Palmero sube a la palma’, co grupo de recanteiros e coa agrupación de música canaria Los Granjeros de Montaña. Dita formación tamén interpretará a dúo con Agoney algunha das súas ‘isas’ populares.

O cantante, músico e compositor canario, que saltou á fama tras a súa participación en Operación Triunfo, presentará esta noite o seu novo sinxelo ‘Quien pide al cielo por ti’, co que Agoney cambia de estilo totalmente respecto ao seu álbum debut ‘Libertad’, todo un éxito en ventas en España, e aposta por un son oitentero, fresco e con forte presenza de sintetizadores e teclados.

Outra das artistas destacadas desta edición será Paloma San Basilio, a popular cantante e actriz, con máis de 16 millóns de discos vendidos na súa prolífica carreira, regresa a ‘Luar’ con algúns dos seus temas de máis éxito.

Nesta edición de ‘Luar’, dedicada á comarca lucense da Mariña central, contarase coa música tradicional de Cabo Verde, que propoñen as 24 mulleres caboverdianas de Batuko Tabanka, grupo formado en Burela, e coas actuacións da Orquestra Principal, formación con sede en Mondoñedo.

O elenco artístico completarase coa proposta musical de Manuel Manquiña, da agrupación folclórica Soalleira de Dorrón, e da banda de gaitas O Son do Castro, de Borneiro (Cabana de Bergantiños).

Este venres volverá traer o mellor humor Manuel Eduardo Ponteceso, personaxe que interpreta Xosé Antonio Touriñán, todo un experto en televisión en prácticas, que busca novas ideas para ‘Luar’. Esta noite realizará a súa proposta na compaña de Ángela, María José e Joaquín, tres espectadoras que contactaron por teléfono co programa a semana pasada para falar sobre oficios perdidos...

No concurso ‘Recantos’ hoxe enfrontarase Montse, de Terras de Pontevedra, con David Gallego, de Ourense oriental. O xurado estará integrado, nesta ocasión, por Laura Añón, da orquestra Finisterre, Paloma San Basilio e Manuel Andrade. E no concurso telefónico estarán en xogo 3.500 euros.

ler máis

A 'maliciosa' Noelia Rey e o versátil Paco Lodeiro revolucionan o 'Land Rober Tunai Show' esta noite

21/10/2021

Ambos profesionais da Galega deberán superar divertidos desafíos, que Roberto Vilar e Eva Iglesias lles teñen preparados

A 'maliciosa' Noelia Rey e o versátil Paco Lodeiro revolucionan o 'Land Rober Tunai Show' esta noite

Santiago, 20.10.2021.-  Dúas das caras máis queridas da Televisión de Galicia chegan este xoves ao ‘Land Rober Tunai Show’ (21.55 h) coa idea de revolucionar xuntos o programa. A ‘maliciosa’ e divertida Noelia Rey, que cambiará esta noite o noticiario ‘Malicia noticias’ polo estudio deste espazo, e o extraordinario Paco Lodeiro van ser protagonistas dunha edición chea de retos. E Eva Iglesias e Roberto Vilar terán moito que ver, xa que terán cadanseu desafío preparado para eles.

O presentador de ‘Atrápame se podes’ vai experimentar na súa propia pel o que senten os concursantes do seu programa. Pero ollo!, o bote decidirao o público do programa!

Público que terá tamén moito traballo por diante nunha nova entrega de ‘Marisquetes’. Polo xeito de comer o marisco descubrirase quen non é galego!

Amais, esta semana volverá Dosinda ao ‘Land Rober Tunai Show’, e virá con problemiña incluído... Algo lle pasa coa banca electrónica!

ler máis

José Miñones, delegado do Goberno en Galicia: "a solución de Ence debe pasar por unha nova localización"

20/10/2021
José Miñones, delegado do Goberno en Galicia: "a solución de Ence debe pasar por unha nova localización"

Santiago, 20.10.2021.-   José Miñones Conde, delegado do Goberno en  Galicia, foi entrevistado este mércores no espazo ‘Bos Días’ da Televisión de Galicia, onde fixo unha valoración dos orzamentos xerais do Estado para 2022, dos que sinalou a importancia que supón “recuperar a senda do crecemento e a discriminación positiva para Galicia”. “Con estes orzamentos vólvese pasar a barreira dos 1.000 millóns de euros, o que supón un 29% máis que o ano pasado”, afirmando que “se inviste máis do que Galicia representa en poboación e do que representamos do produto interior bruto”.
    
Sobre as rebaixas da AP-9, Miñones dixo nesta entrevista que era “un fito histórico do que os galegos xa se están beneficiando”. Sobre o debate do pago do uso das autovías, manifestou que “hai que facelo con consenso e con sentido de responsabilidade” e que primeiro habería que falar coas comunidades autónomas. Miñones destacou que o mantemento e conservación das autovías ten un custo moi elevado e que no caso de Galicia “supón 60 millóns de euros só neste orzamento”.
    
Ao respecto da planta de Ence na ría de Pontevedra, o delegado do Goberno sinalou que “é factible buscarlle unha nova ubicación se hai responsabilidade” e que “a primeira xuntanza que mantiven como delegado foi a mesa de Ence en Madrid, onde se concretou que o goberno estaba disposto a seguir apoiando os traballadores".
 
Sobre a reunión de presidentes autonómicos para falar do financiamento, convocada para o 2 de novembro e que aínda non foi adiada, Miñones afirmou que “non se poden usar os temas para atacar o Goberno”. Destacou que as cifras que recolle en transferencias a Xunta de Galicia nos presupostos de 2022 son de máis de 8.000 millóns de euros.
    
En canto a celebración das primarias no PSdeG, Miñones dixo que el aposta polo diálogo e que “é algo positivo que haxa porque permite á militancia opinar”. Manifestou que os dous candidatos presentan liñas concretas e estratéxicas de cara ao futuro e que o que recibe da militancia é moi positivo. Destacou tamén que o Congreso Federal desta fin de semana demostrou unidade e un liderado moi potente.

ler máis

O grupo vigués The Soul Jacket presenta este mércores en 'Galicia Emerxe' a súa contaxiosa combinación de rock, soul, funk e pop

20/10/2021

No concerto desta noite (23.25 h) interpretarán temas do seu quinto disco, ‘Let me stand’, un dos seus traballos máis diversos

O grupo vigués The Soul Jacket presenta este mércores en 'Galicia Emerxe' a súa contaxiosa combinación de rock, soul, funk e pop

Santiago, 20.10.2021.-    O escenario do ‘Galicia Emerxe’, o ciclo de concertos que se ofrece cada mércores na G2, abre hoxe as súas portas a The Soul Jacket, grupo vigués que leva preto de 17 anos propagando entre o público a súa contaxiosa combinación de rock, soul, funk e pop.

ler máis