CRTVG

Buscar

CRTVG Viva

A Copa América 2021 xógase desde hoxe na Galega

13/06/2021

Televisión de Galicia ofrecerá en directo dez encontros, cos mellores talentos do fútbol suramericano, que principian esta noite co partido inaugural do Brasil-Venezuela

A Copa América 2021 xógase desde hoxe na Galega

Santiago, 13.06.2021.-  Televisión de Galicia ofrece desde este domingo, en directo, os partidos da Copa América 2021, o principal torneo futbolístico entre as seleccións dos países de América do Sur. A canle pública conta cos dereitos de emisión para Galicia dunha serie de encontros deste trofeo, que se vai disputar no Brasil ata o 10 de xullo. As retransmisións da TVG arrancan esta noite co partido inaugural que xogarán Brasil e Venezuela ás 23:00 horas.

A Galega ofrecerá en total dez partidos, distribuídos entre as catro etapas da competición: fase de grupos, cuartos de final, semifinais e final. O luns 14, a TVG continuará coa emisión do torneo ás 23:00 horas co debut de Arxentina ante Chile e, na seguinte fin de semana, na madrugada do venres ao sábado, ás 2:00 horas, coa cita de Arxentina fronte a Uruguai.

A Copa América 2021, cuxa celebración inicial estaba previst que fora o partido entre Arxentina e Colombia, dispútase por mor da pandemia por sexta vez no Brasil, en sedes do Río de Xaneiro, Goiania, Cuiabá e Brasilia. Organizada pola Conmebol, nesta 47 edición participan dez seleccións: Arxentina, Bolivia, Uruguai, Chile, Paraguai, Brasil, Colombia, Venezuela, Ecuador e Perú. Ten as baixas de Australia e Qatar. A final do torneo xogarase no mítico Maracaná do Río de Xaneiro.