Continúa a cancelación dos eventos que marcan o inicio do ano. Despois do Entroido, o seguinte é a Reconquista de Vigo. O alcalde da cidade, Abel Caballero, así o confirmou, aínda que deixou a porta aberta a que se poida reubicar a segunda cita no calendario. Na mesma liña está a Asociación de Veciños do Casco Vello, organizadora do evento, que confía en que poida celebrarse máis adiante.