E agora ímoslles contar unha historia con final feliz. A de Ángeles. Con 71 anos, pasou case mes e medio nunha UCI, en Ourense. O peor xa quedou atrás. Agora conta os días para volver á casa.

Ángeles Puga, curada xa do coronavirus, deixa atrás 40 días na unidade de coidados intensivos despois de superar dúas pneumonías.

Hai apenas unha semana que volveu comer por ela mesma. Aínda convalecente, intenta pouco a pouco recuperar a mobilidade. O seguinte paso, o que máis desexa, é poder volver á casa. O que levará con ela é o agradecemento a todo o persoal sanitario que a axudou a superar a enfermidade.