CRTVG

Buscar

Un porco celta de Friol non para de gañar concursos de manexo

Publicado o 23/09/2019 19:51

A curiosa distribución das súas cores fixo que lle puxeran de nome Pantalóns, pero ademais de lucir mallas este porco celta criado en Friol é todo un atleta. É o semental da explotación, pero é tan manso e dócil que o comezaron a levar a concursos de manexo e non para de conseguir premios. Xa foi profeta aquí, na súa terra, pero agora acaba de conquistar tamén territorio veciño.

Pantalóns ten tres anos e uns 350 quilos, que non lle impiden moverse con soltura ante os retos que lle poñen.

Agora descansa nesta explotación de Friol, onde contan cuns 60 porcos. O próximo reto de Pantalóns será dentro duns días en Lugo, malia que desta volta o concurso será morfolóxico.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

23/09/2019