Nacer sen os dedos da man esquerda, por un problema conxénito, nunca supuxo para Rubén unha eiva insalvable.

Agora que ten a madurez e o coñecemento suficientes, el mesmo buscou como obter unha man artificial. Recorreu a empresas de Escocia e Islandia ata que deu co prototipo que precisaba. O deseño final realizouno un técnico ortopeda de Ourense. Estreouna en xuño. A man biónica adáptase perfectamente ao seu tipo de amputación. Conta con baterías de ata doce horas de autonomía.

A súa paixón pola aviación e a afección á electrónica impulsaron a loita por conseguir a man biónica. Con ela instalou o seu propio simulador de voo, para que chegado o día, teña práctica abondo para acceder á profesión de piloto.

Goza da súa nova man, pero non queda aí o seu empeño. Gústalle compartir as súas inquedanzas, así que creou unha web especializada en próteses e amputacións. Fáltanlle dedos, iso ten solución, o que lle sobra a este rapaz é cerebro.