Segue aumentando a listaxe de países que poñen restricións aos viaxeiros procedentes de España. Os últimos en sumarse, Alemaña e Eslovenia.

As autoridades alemás inclúen dende hoxe Cataluña, Aragón e Navarra como zonas de risco, mentres que Eslovenia amplía estas restricións tamén a Valencia e o País Vasco e impón un illamento de 14 días aos viaxeiros procedentes destas rexións.

Con estes xa son 30 os países que establecen corentena e máis de 100 os que poñen algún tipo de veto a viaxeiros procedentes de España.