CRTVG

Buscar

Rubén cae lesionado no día en que reaparece Mina

Publicado o 19/11/2019 19:58
Rubén cae lesionado no día en que reaparece Mina

Rubén Blanco lesionouse no adestramento desta tarde. Todo aconteceu nun mal xesto á hora de despexar un balón. Tratou de parar un balón co pé e o xeonllo foille cara atrás. As primeiras probas sinalan que o gardameta de Mos sufriu unha escordadura no ligamento lateral interno do xeonllo esquerdo. Rubén podería estar de baixa entre mes e medio e dous meses. A lesión chégalle cando xa estaba consolidado na portería celeste, de feito, mañá ten que recibir o premio ao mellor xogador do Celta por segundo mes consecutivo.

Volve Mina

A boa noticia protagonizouna Santi Mina. O dianteiro xa se adestrou cos seus compañeiros e apura a súa recuperación para tratar de chegar ao partido do domingo contra o Vilarreal. No adestramento desta mañá estivo totalmente integrado no traballo de grupo.

Tamén Kevin Vázquez iniciou traballo colectivo. Pola súa banda, hai máis dúbidas con Rafinha, que segue adestrándose individualmente.

Noticias web

19/11/2019