O superiate New Secret, con bandeira das illas Marshall, recala estes días en Vigo, no porto deportivo de Marina Davila. Con 74 metros de eslora e 12 de manga, é a embarcación deste tipo máis grande que atracou este ano na Cidade Olívica.

Este luxoso iate, propiedade do millonario estadounidense Ryan Baughman, leva en Vigo dende onte e ten previsto pasar uns días máis no porto vigués, que xa se converteu en punto de referencia para barcos destas características.