Unha novidade no adestramento do Celta foi a presenza do internacional turco Emre Mor, quen regresa a Vigo tras non atopar equipo.

A pasada tempada xogou cedido no Galatasaray e o Olympiakos, pero nin no seu país nin en Grecia tivo os minutos que esperaba. O Celta, que pagou 13 millóns de euros polo seu traspaso ao Borussia Dortmund, segue buscándolle unha venda porque o futbolista non conta para Óscar García.