Os produtores rurais do sur de Galicia queren ser 'Parte de ti'. Así precisamente se chama a última campaña de concienciación para fomentar a economía local.

As rosquillas que fai Rosita en Gondomar, as camelias que cultiva Quin en Tomiño ou os mirabeis do Rosal. Son produtos de calidade e proximidade, manteñen vivo o rural e queren formar parte de ti.

Mediante vídeos nas redes, a campaña invita a coñecer dez historias como a de Manu. Un panadeiro do rural porriñés que cada día amasa uns bolos con 4 séculos de historia.

As tendas que vendan estes produtos poderán lucir o distintivo da campaña. Quizais así chegará a facerse realidade o soño de Manu.