CRTVG

Buscar

Os veciños de Carreira concéntranse no cemiterio para frear unhas obras que consideran problemáticas

Publicado o 22/10/2020 14:44

Cos veciños dun lado e os operarios coas máquinas paradas do outro. Así amencía hoxe o cemiterio de Carreira, en Ribeira.

Unha obra controvertida levou un grupo de propietarios a reunirse para frear uns amaños que, aseguran, só lles van traer problemas. 

Viviuse algún que outro momento de tensión que obrigou a policía a mediar. Nun primeiro momento, os afectados negábanse a abandonar as instalacións e deixar traballar os encargados da obra, que mesmo chegaron a recoller o material.

Finalmente conseguiron chegar a un acordo e polo momento deixalos traballar. 
A presidenta da asociación non quixo facer declaracións á cámara, pero asegurounos que ese tema non é asunto seu, senón do párroco.

A el non conseguimos localizalo para que nos dera a súa versión e, polo que nos comentaron os afectados, eles tampouco. 

Noticias web

22/10/2020